31
август
2023
Ағымдағы жылдың 31-тамызы күні мектебімізде №1 педагогикалық кеңес өтті.
Ағымдағы жылдың 31-тамызы күні мектебімізде №1 педагогикалық кеңес өтті.Педагогикалық кеңесте жаңа оқу жылының мақсат, міндеттері айқындалып, өткен оқу жылына қорытынды жасалды.
Мектеп директоры Абдраймова Ф.Қ 2023-2024 оқу жылында Қазақстан Республикасының жалпы орта білім беретін ұйымдарында оқу-тәрбие процесін ұйымдастырудың ерекшеліктері туралы әдістемелік нұсқау хатпен таныстырып өтсе, мектептің оқу ісі жөніндегі орынбасары Касенова М.А мүмкіндігі шектеулі үйден оқытылатын және инклюзивті білім алушылардың оқытылуын ұйымдастыру процесімен таныстырды. Сондай-ақ мектептің тәрбие ісі жөніндегі орынбасары Базарбекова М.Н бастауыш сыныпты ыстық тамақпен қамтамасыз ету бойынша іс-шара жоспарымен таныстырды.
Педагогикалық кеңесінің күн тәртібіндегі барлық мәселелер қаралып, талқыланды. Педагогикалық кеңесті қорытындылай келе, ұстаздардың сағаттық жүктемесі мен білім беру жүйесіндегі өзгерістер талқыланды.
Мектеп директоры Абдраймова Фарида Қазтаевна барлық ұстаздарды жаңа оқу жылының басталуымен құттықтап, алдағы жұмыстарына сәттілік тіледі.